Félagsfundur og kvæðalagaæfing

Næsti fundur Iðunnar verður haldinn 9. nóvember og að vanda verður kvæðalagaæfing miðvikudagskvöldið á undan, sem nú er þann 7. nóvember.

Að venju er fjölbreytt og skemmtileg dagskrá á félagsfundinum og má til dæmis nefna að Jackie Oates sem er ensk þjóðlagasöngkona ætlar að koma og syngja fyrir okkur. Hún er þekkt í þjóðlagageiranum á  Bretlandseyjum og hefur m.a fengið BBC folkawards. Þá flytur Steindór Andersen erindi og Eysteinn Pétursson mun syngja fyrir okkur. Zimsen systur munu kveða nokkrar vísur og ef tími gefst mun Rósa Jóhannesdóttir kveða rímur við lok dagskrár.

Svo má nefna fasta dagskrárliði: skýrsla ritara, litla hagyrðingamótið, samkveðskap, kaffi og auðvitað gert að afla Skáldu.

Allir fundir og kvæðalagaæfingar félagsins hefjast stundvíslega kl 20:00 og lýkur kl 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla var birt í Auglýsingar, Fréttir og merkt sem , , . Bókamerkja beinan tengil.

Skildu eftir svar