Kvæðalagaæfing og félagsfundur

Næsti fundur Iðunnar verður haldinn 4. október og að vanda verður kvæðalagaæfing miðvikudagskvöldið á undan, sem nú er þann 2. október.

Fjölbreytt og skemmtileg dagskrá er á félagsfundinum. Sagt verður frá og fluttar stökur úr haustferð félagsins. Þórarinn M. Baldursson hyggst kveða nokkrar vísur og svo verður flutt ný ríma eftir Sigrúnu Haraldsdóttur.

Svo má nefna fasta dagskrárliði: skýrsla ritara, látinna félaga minnst, litla hagyrðingamótið, samkveðskapur, kaffi og auðvitað gert að afla Skáldu.

Allir fundir og kvæðalagaæfingar félagsins hefjast stundvíslega kl 20:00 og lýkur kl 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla var birt í Auglýsingar og merkt sem , . Bókamerkja beinan tengil.

Skildu eftir svar