Kvæðalagaæfing og félagsfundur

Næsti félagsfundur verður haldinn 7. nóvember  og verður kvæðalagaæfing miðvikudagskvöldið á undan, sem nú er þann 5. nóvember.

Ýmislegt verður á dagskránni á fundinum, sem er að þessu sinni í höndum Rímnalaganefndar. Bára Grímsdóttir og Chris Foster flytja lag eftir Báru fyrir tvö langspil við „Angurvöku“, ljóð e. Jón Steingrímsson eldklerk. Þá mun Árni Björnsson þjóðháttafræðingur flytja erindi um Beinakerlingavísur.  Ólína Þorvarðardóttir kvæðakona stígur á stokk og kveður fyrir okkur, en einnig er líklegt að fleiri geri slíkt hið sama ef tími leyfir.

Svo má nefna fasta dagskrárliði: skýrslu ritara, litla hagyrðingamótið, samkveðskapinn og að lokum verður gert að afla Skáldu.

Allir fundir og kvæðalagaæfingar félagsins hefjast stundvíslega kl 20:00 og lýkur kl 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla var birt undir Auglýsingar. Bókamerkja beinan tengil.

Skildu eftir svar