Janúarfundur og kvæðalagaæfing

Næsti félagsfundur verður haldinn 9. janúar og verður kvæðalagaæfing miðvikudagskvöldið á undan, sem nú er þann 7. janúar.

Ýmislegt verður á dagskránni á fundinum. Guðmundur Steinn Gunnarsson flytur erindi sitt „Hrynjandi íslenskra rímna“. Þá mun Ingimar Halldórsson kveða vetrarvísur og álfa og áramótavísur eftir Iðunnarfélaga.  Bára Grímsdóttir ætlar svo að kveða úr Króka Refsrímum eftir Hallgrím Pétursson. Njáll Sigurðsson mun stjórna samsöng.

Svo má nefna fasta dagskrárliði: Skýrslu ritara, litla hagyrðingamótið og samkveðskapinn og að lokum verður gert að afla Skáldu.

Athugið að kvæðalagaæfingar hefjast klukkan 19:00, en félagsfundir hefjast kl 20:00 og lýkur kl 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla var birt undir Auglýsingar. Bókamerkja beinan tengil.

Skildu eftir svar