Febrúarfundur og kvæðalagaæfing

Næsti félagsfundur verður haldinn föstudaginn 5. febrúar og verður kvæðalagaæfingin miðvikudagskvöldið á undan þann 3. febrúar.

Á fundinum mun Eva María Jónsdóttir, meistari í Miðaldarfræðum flytja erindi um þrjár gerðir Grettisrímna frá 15. 17. og 19. öld.  Þá mun Rósa Þorsteinsdóttir kynna bókina Íslenskar alþýðusögur á okkar tímum eftir Konrad Maurer, en bókin verður einnig til sölu. Loks má nefna að Jón Ingvar Jónsson hagyrðingur mun flytja efni eftir sig.

Ragnar Ingi verður með bragfræðihorn sitt, en aðrir fastir dagskrárliðir eru litla hagyrðingamótið og litla kvæðamannamótið. Samkveðskapur verður á sínum stað og gert að afla Skáldu.

Athugið að kvæðalagaæfingar hefjast klukkan 19:00, en félagsfundir hefjast kl 20:00 og lýkur kl 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla er flokkuð undir Auglýsingar og skilgreint sem , . Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *