Aprílfundur og kvæðalagaæfing

Næsti félagsfundur verður haldinn föstudaginn 8. apríl og verður kvæðalagaæfingin miðvikudagskvöldið á undan, þann 6. apríl.

Aprílfundurinn verður tileinkaður Jóni Lárussyni en hann var atkvæðamikill kvæðamaður á fyrrihluta síðustu aldar, hélt tónleika, kvað fyrir kónginn og kveðskapur hans var hljóðritaður af ýmsum. Sigurbjörg Á. Ólafsdóttir ætlar að flytja erindi um Jón afa sinn og segja meðal annars frá tónleikaferð hans og barna hans um landið. Sýndar verða myndir á glærum og spiluð tóndæmi með kveðskap Jóns. Auk þess mun Ingimar Halldórsson kveða vísur um Jón, eftir hann og fleiri.

Ragnar Ingi verður með bragfræðihorn sitt en það verður í stærra lagi að þessu sinni, en aðrir fastir dagskrárliðir eru litla hagyrðingamótið og litla kvæðamannamótið. Samkveðskapur verður á sínum stað og gert að afla Skáldu.

Athugið að kvæðalagaæfingar hefjast klukkan 19:00, en félagsfundir hefjast kl 20:00 og lýkur kl 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla er flokkuð undir Auglýsingar og skilgreint sem , . Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *