Maífundur og kvæðalagaæfing

Næsti félagsfundur verður haldinn föstudaginn 6. maí og verður kvæðalagaæfingin miðvikudagskvöldið þar á undan, þann 4. maí.

Steindór Andersen ætlar að segja frá Sveinbirni Beinteinssyni, meðal annars tengslum hans við Iðunni. Hann mun líka kveða vísur og kvæði eftir hann.

„Ljóð“, nýútgefin bók með ljóðum Guðrúnar Stefánsdóttur frá Fagraskógi verður kynnt. Ragnheiður Hrafnkelsdóttir og Hólmfríður Hannesdóttir sjá um kynninguna og lesa upp úr bókinni.  Einnig mun Ingólfur Ómar Ármannsson flytja vísur og ljóð eftir sig.

Ragnar Ingi verður með bragfræðihorn sitt. Aðrir fastir liðir verða á sínum stað:  Litla hagyrðingamótið, litla kvæðamannamótið, samkveðskapurinn og gert verður að afla Skáldu. 

Athugið að kvæðalagaæfingar hefjast kl. 19:00, en félagsfundir hefjast kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla er flokkuð undir Auglýsingar og skilgreint sem , . Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *