Nóvemberfundur og kvæðalagaæfing

Frá kvæðalagaæfingu barna.

Frá kvæðalagaæfingu barna.

Næsti félagsfundur verður haldinn föstudaginn 4. nóvember og kvæðalagaæfingin verður að þessu sinni laugardaginn 5. nóvember.

Ragnheiður Ólafsdóttir og kvæðaklúbbur úr Reykjavíkur Akademíunni kveða efni úr ýmsum áttum.

Rósa Jóhannesdóttir og Helgi Zímsen kveða og segja frá í máli og myndum af ferð sinni til Kanada, en þangað fóru þau nýlega með dansfélaginu Sporinu úr Borgarfirði.

Flutt verður sagnakvæðið af Rögnvaldi og Gunnhildi.

Kynnt verður nýútkomin bók og geisladiskur, Ævintýrið af Sölva og Oddi kóngi. Bára Grímsdóttir samdi sögu og tónlist, Helgi Zímsen kvæði og Halla Sólveig  Þorgeirsdóttir myndskreytti.

Ragnar Ingi Aðalsteinsson sér um bragfræðihornið og aðrir fastir liðir verða á sínum stöðum: litla hagyrðingamótið, litla kvæðamannamótið, samkveðskapur og Skálda.

Fundurinn hefst kl. 20:00 og lýkur kl. 22:30. Kvæðalagaæfingin laugardaginn 5. nóv. hefst kl. 14:00, en hún er fyrir börn og alla þá sem hafa gaman af að syngja og kveða með börnum.

Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti bæði á fundi og æfingar, því fundir Iðunnar eru öllum opnir.

Starfsemi Iðunnar fer fram í Menningarmiðstöðinni  Gerðubergi sjá kort á ja.is

Þessi færsla er flokkuð undir Auglýsingar og skilgreint sem , . Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *