Októberfundur og kvæðalagaæfing

Næsti félagsfundur verður haldinn föstudaginn 6. október og verður kvæðalagaæfingin miðvikudagskvöldið þar á undan, þann 4. október.

Sagt verður frá haustferð félagsins í bundnu og óbundnu máli. Bára Grímsdóttir flytur ljóð um Helgu Ólafsdóttur á Varmalæk eftir Jakob Jónsson og tvísöngvar verða sungnir. Þá verður Njáll Sigurðsson heiðraður.

Ragnar Ingi Aðalsteinsson sér um bragfræðihornið og kynnir einnig bók um hringhendur. Aðrir fastir liðir verða á sínum stöðum: litla hagyrðingamótið, samkveðskapur og Skálda. Þá minnumst við látinna félaga.

Athugið að kvæðalagaæfingar hefjast kl. 19:00, en félagsfundir hefjast kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi félagsins fer fram í Gerðubergi sjá kort á ja.is

Þessi færsla er flokkuð undir Auglýsingar. Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *