Janúarfundur 2018 og kvæðalagaæfing

Næsti félagsfundur verður haldinn föstudaginn 5. janúar og kvæðalagaæfingin verður miðvikudaginn 3. janúar.

Matti Kallio promo pic 2Að venju er fjölbreytt dagskrá á janúarfundi og með áramótabrag.

Bára Grímsdóttir flytur stutt erindi sem hún kallar Hinn rétti byrjunartónn. Þar mun hún meðal annars gefa hagnýt ráð um hvernig kvæðamenn og konur geti fundið rétta tóntegund á kvæðalögum sem hæfir þeirra rödd. Þá ætlar Kristján Hreinsson ljóðskáld að flytja eigin ljóð.

Hinn frábæri finnski harmonikkuleikari Matti Kallio leikur nokkur lög og svo verður samsöngur áramótalaga.

Ragnar Ingi Aðalsteinsson sér um bragfræðihornið og aðrir fastir liðir verða á sínum stöðum: litla hagyrðingamótið, litla kvæðamannamótið, samkveðskapur og Skálda.

Athugið að kvæðalagaæfingar hefjast kl. 19:00, en félagsfundir hefjast kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi Iðunnar fer fram í Menningarmiðstöðinni  Gerðubergi sjá kort á ja.is

Þessi færsla er flokkuð undir Auglýsingar og skilgreint sem , . Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *