Nóvember fundur og kvæðalagaæfing

MOUNTAIN DULCIMER_Jerry RockwellNæsti fundur hjá Kvæðamannafélaginu Iðunni, verður  haldinn föstudaginn 9. nóvember kl. 20:00 og kvæðalagaæfingin verður laugardaginn 10. nóvember kl. 14:00.

Að venju er fjölbreytt dagskrá á nóvemberfundinum.

Gabriel Dunsmith leikur á Appalachian dulcimer, hljóðfæri frá Bandaríkjunum sem er skylt langspilinu. Hann mun einnig segja frá hljóðfærinu og sýna myndir.

Þórunn Sigurðardóttir rannsóknarprófessor á Stofnun Árna Magnússonar í íslenskum fræðum flytur erindið “Sálmar sem nytjalist á 17. öld”.

Þorvaldur Þorvaldsson kveður, meðal annars úr Rósarímum eftir Jón Rafnsson

Ragnar Ingi Aðalsteinsson sér um bragfræðihornið.

Eftirtaldir fastir liðir verða á sínum stöðum: litla kvæðamannamótið, tvísöngvar og samkveðskapur í umsjón Rósu Jóhannesdóttur og litla hagyrðingamótið og Skálda í umsjón Helga Zimsen.

Athugið að kvæðalagaæfingin er að þessu sinni ekki á miðvikudegi heldur laugardegi, 10. nóvember  kl. 14:00 eins og áður segir og er fyrir börn, fjölskyldur þeirra og alla sem hafa gaman af að kveða með börnum.

Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Kvæðalagaæfingar og fundir Iðunnar fara fram í Menningarmiðstöðinni Gerðubergi sjá kort á ja.is og hér.

Þessi færsla er flokkuð undir Auglýsingar. Bókmerktu fasta tengilinn.

Skildu eftir svar

Netfang þitt verður ekki birt. Nauðsynlegir reitir eru merktir *