Lagboði 126

Ljúft í fangi leikur þrá

Ferskeytt – vísur 1, 2, 3 og 4 hringhendar

 

Ljúft í fangi leikur þrá,
léttir gangi mínum.
Lífsins angan fann ég frá
fölvum vanga þínum.

Oft ég missti merki glögg
málsins list að heyra
varir kyssti, dagsins dögg
drakk, en þyrsti meira.

Vígja hlaustu viljans þor
vona traustum ferjum,
breyttir hausti í blessað vor
byggðir naust úr skerjum.

Bjarta sveiga bindur nú
blóma feigum runni.
Skáldsins veigar skýrir þú.
Skál! Ég teyga’ að grunni.

Vísur:  Einar Backmann.
Kvæðamaður:  Sigríður Friðriksdóttir.
Stemma:  Úr Skagafirði. Baldvin Jónsson skáldi

Til bakaLagboði 127

Comments are closed.