Lagboði 153

Áður var eg ýtum hjá

Ferskeytt – vísur 1, 2, 3 og 4 hringhendar

 

Vertíðarlok 25. nóv. 1934.

Áður var eg ýtum hjá
oft í svari glaður.
Lítið þar nú eftir á,
afturfaramaður.

Smátt úr býtum bar ég þá
býsna lítilvirkur.
Þannig flýtur árum á
uns að þrýtur styrkur.

Gleðitíðir flögra frá
fyrir kvíðir lundin.
Tímann líður óðum á.
Engin bíður stundin.

Að mér sest er ellihaust
útveg flestum hallar.
Því er best að bera í naust
bát og festar allar.

Vísur:  Bjarni Jónsson frá Sýruparti, Akranesi.
Kvæðamaður:  Björn Friðriksson.
Stemma:  Bjarni Jónsson, Akranesi.

Lagboði 154

Comments are closed.