Lagboði 163

Knúði þrá um kaldan sjá

Ferskeytt – vísur 1, 2, 3 og 4 hringhendar

 

Hátíðarljóð 1930 II.

Knúði þrá um kaldan sjá
knerri háum voðum.
Noregs bláu fjörðum frá
fram hjá gráum boðum.

Þar á flótta hélt um haf
Hávadróttin bjarta.
Langt var sótt, en ljósið gaf
landnámsþrótt í hjarta.

Djúpin grófu Dofrahöll,
drauma ófu nýja.
Aldin hófust Íslandsfjöll
úti í kófi skýja.

Jökla fljóðið eyjan auð
orpin glóð og hjarni,
faðminn Óðins aðli bauð
eins og móðir barni.

Liðið hrausta stýrði að strönd
stefndi í naustin skeiðum.
Svam þá laust við sjónarrönd
Sól á austurleiðum.

Vísur:  Jóhannes úr Kötlum.
Kvæðamaður:  Jóhann Garðar Jóhannsson.
Stemma:  Úr Breiðafirði.
Lagboði 164

Comments are closed.