Lagboði 165

Út í haga einn ég geng

Ferskeytt

 

Út í haga einn ég geng
ekkert hug minn bindur,
leikur um minn ljóðastreng
léttur sumarvindur.

Með sínu lagi sólarljóð
syngur blessuð lóan,
þó skorti tóna í þann óð
ennþá vantar spóann.

Þakka ykkur ljúflingslag
loftsins farar góðir,
veit ég best að vera í dag
vinda og fuglabróðir.

Eg vil elska fugl og fjöll
foldarblóm sem anga,
verður þá mín ævi öll
eins og morgunganga.

Vísur:  Kjartan Gíslason, Mosfelli.
Kvæðamaður:  Sigríður Friðriksdóttir. (Anna Bjarnadóttir kenndi)
Stemma:  Ólafur Bjarnason, Húnavatnssýslu.

Lagboði 166

Comments are closed.