Lagboði 174

Tvíblinds skara týr þá spur

Ferskeytt 

 

 

Tvíblinds skara týr þá spur
tryggðum svarinn hlýra:
“Hvurt skal fara Friðþjófur
fáki marar stýra?”

Gegndi óraga hetjan hátt
hita lagar þundi:
“Ég í haga Baldurs brátt
borða slaga hundi.”

Björn þá megin byrstur tér
beiskum sleginn vanda:
“Grem þú eigi goð að þér
gildi fleygir branda.”

Eggja meiðir aftur lét
andsvör greiðast fríðu:
“Baldurs reiði eg minni met
menjaheiðar blíðu.”

Vísur:  Lúðvík Blöndal.
Kvæðamaður:  Ingibjörg Friðriksdóttir.
Stemma:  Friðrik Gunnarsson.

Lagboði 175

Comments are closed.