Lagboði 2

Svefninn býr á augum ungum

Langhent – vísa 1 hringhent og vísur 2,3 og 4 víxlhendar

 

Rímur af Núma kóngi Pompílssyni
4. ríma, vísur 19-22

Svefninn býr á augum ungum,
eru þau hýr þó felist brá
rauður vír á vangabungum
vefur og snýr sig kringum þá.

Sig innvikla í rósum rörum
rauðu taumar æða blá
litir sprikla létt á vörum
og laga draumabrosin smá.

Andinn hlýr sem ilminn nýta
óspart lénar vitum sinn
í lífinu býr og brjóstið hvíta
í bungur þenur og dregur inn.

Húðin skæra hönd og fótinn
hægt í kringum vafin er
um um sívöl lærin liðamótin
litla hringi marka sér.

Vísur: Sigurður Breiðfjörð
Kvæðamaður: Björn Friðriksson
Stemma: Úr Húnavatnssýslu. Árni Árnason gersemi

Til baka -o- Lagboði 3

Comments are closed.