Októberfundur og kvæðalagaæfing

Fyrsti félagsfundur vetrarins hjá Kvæðamannafélaginu Iðunni, verður  haldinn föstudaginn 5. október og kvæðalagaæfingin verður miðvikudaginn 3. október.

Að venju er fjölbreytt dagskrá á októberfundinum.

Hildigunnur Einarsdóttir og Bergþóra Einarsdóttir flytja erindi um Einar Kristjánsson harmonikkuleikara og afa Hildigunnar. Tvöföld harmonikka var sérsvið hans og fá áheyrendur að heyra nokkur tóndæmi af leik hans. Árið 1979 gaf SG út hljómplötu þar sem Einar leikur 30 lög ásamt Garðari Jakobssyni fiðluleikara.

Úr haustferðinni. Á Sögusetrinu og er af yngsta ferðafélaganum honum Huldari.

Úr haustferðinni. Á Sögusetrinu og er af yngsta ferðafélaganum honum Huldari.

Sagt verður frá haustferð félagsins um Njáluslóðir, í bundnu og óbundnu máli, nokkrir kvæðamenn flytja.

Ragnar Ingi Aðalsteinsson sér um bragfræðihornið

Í lok dagskrár verður flutt þjóðlagatónlist og kveðskapur, flytjendur m.a. Linus Orri Gunnarsson Cederberg og Rósa þorsteinsdóttir.

Eftirtaldir fastir liðir verða á sínum stöðum: litla kvæðamannamótið, samkveðskapur í umsjón Rósu Jóhannesdóttur og litla hagyrðingamótið og Skálda í umsjón Helga Zimsen.

Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Kvæðalagaæfingar og fundir Iðunnar fara fram í Menningarmiðstöðinni Gerðubergi sjá kort á ja.is og hér.

Eins og fram kom í síðasta fréttablaði Iðunnar, ætlar félagið  að brydda upp á nýjungum í vetur og hefja söngvökur á þriðjudagskvöldum einu sinni í mánuði, sem verða undir stjórn Chris Fosters, formanns þjóðlaganefndar, og Linusar Orra Gunnarssonar Cederborg og verða þær til húsa í Andrými á Bergþórugötu 20. Þar verða sungin og kennd ýmis þjóðlög t.d. tvísöngvar.

Athugið að þriðjudaginn 16. október kl. 19:00 verður fyrsta Söngvakan í Andrými,

Einnig ætlar Iðunn að hefja samstarf við Reykjavík – „trad session“ en þau eru með þjóðlagasamspil vikulega á fimmtudagskvöldum á Kaffihúsinu Stofunni, í kjallaranum, en það er til húsa á Vesturgötunni rétt ofan við hornið á Aðalstræti, þar sem „Fríða frænka“ var. Við stefnum að því að nokkrir Iðunnarfélagar komi fram með kveðskap og tvísöng einu sinni í mánuði. Fólki er þó líka velkomið að koma fram á öllum öðrum fimmtudagskvöldum. Fyrsta Þjóðlagasamspil með kveðskap verður fimmtudaginn 18. október kl. 20:00.

Þessi færsla er flokkuð undir Auglýsingar | Athugasemdir

Haustferð Iðunnar 2018

Haustferð Iðunnar laugardag 1. september

Úr síðustu haustferð en þá heimsóttum við Pál á Húsafelli

Úr síðustu haustferð en þá heimsóttum við Pál á Húsafelli

Haustferðin verður að þessu sinni farin á Hvolsvöll og Njálu-slóðir. Lagt verður af stað frá BSÍ kl. 9 að morgni og ekið sem leið liggur austur á Hvolsvöll. Við munum heimsækja Sögusetr-ið þar sem er einstök Njálusýning, kaupfélagssafn, líkan af Þingvöllum árið 1000 og Njálurefillinn sem verið er að sauma. Þar verður einnig boðið upp á súpu og brauð í hádeginu. Eftir hádegismatinn verður haldið í tveggja tíma ferð um Njáluslóð-ir undir leiðsögn hins Njálufróða Lárusar Ágústs Bragasonar. Við komuna aftur til Hvolsvallar verður Eldfjallamiðstöðin LAVA heimsótt. Þar er hægt að fá sér kaffi, en fólk getur líka valið að hafa með sér nesti. Eftir þá heimsókn verður haldið af stað í vesturátt og kvöldverður snæddur í Tryggvaskála á Sel-fossi. Þar vonumst við til að hitta vini okkar úr Árgala og kveða með þeim.

Fyrir kjötætur verður lambahryggvöðvi og lambarillette, gul-rótarmauk, hægeldað rótargrænmeti, rósmarín „pomme Anna“, gremolata og kryddjurtagljái í matinn, en brasseraður fennell og kinóa, sítrus confit, fennel mauk, grillað grænkál, gulrætur og möndlukrem fyrir grænkera, og súkkulaðimús, pistasíuís, ristaðar kókosflögur og jarðarber í eftirmat fyrir alla. Áætluð heimkoma er kl. 21.

Verð fyrir Iðunnarfélaga er 12.000 kr. og er þar innifalin rútu-ferð, hádegis- og kvöldmatur aðgangseyrir og leiðsögn.

Þátttaka tilkynnist Guðna Sig. Óskarssyni á netfangið gudnisigosk@gmail.com fyrir mánudaginn 27. ágúst.

Þessi færsla er flokkuð undir Auglýsingar | Athugasemdir

Dagskrá Iðunnar haustið 2018

Rósa Jóhannesdóttir og dætur á jólafundi 2016

Rósa Jóhannesdóttir og dætur á jólafundi 2016

Kvæðamannafélagið Iðunn verður að venju með starfsemi sína í Menningarhúsinu Gerðubergi, þ.e. kvæðalagaæfingar á miðviku-dagskvöldum og fundi á föstudagskvöldum. Vakin er athygli á að í nóvember færist kvæðalagaæfingin yfir á laugardag kl. 14:00 en hún er fyrir börn og þá sem hafa gaman af að kveða og syngja með börnum. Hún verður í Háholti, neðstu hæð til hægri.

Félagið ætlar að brydda upp á nýjungum í vetur og hefja söng-vökur á þriðjudagskvöldum einu sinni í mánuði, sem verða undir stjórn Chris Fosters, formanns þjóðlaganefndar, og Linusar Orra Gunnarssonar Cederborg og verða þær til húsa í Andrými á Bergþórugötu 20. Þar verða sungin og kennd ýmis þjóðlög t.d. tvísöngvar.

Einnig ætlar Iðunn að hefja samstarf við Reykjavík – „trad session“ en þau eru með þjóðlagasamspil vikulega á fimmtudagskvöldum á Kaffihúsinu Stofunni, í kjallaranum, en það er til húsa á Vestur-götunni rétt ofan við hornið á Aðalstræti, þar sem „Fríða frænka“ var. Við stefnum að því að nokkrir Iðunnarfélagar komi fram með kveðskap og tvísöng einu sinni í mánuði. Fólki er þó líka velkomið að koma fram á öllum öðrum fimmtudagskvöldum.

Félagar eru hvattir til að taka þátt í starfsemi Iðunnar og taka með sér gesti.

Á þessari haustönn verða dagsetningar á fundum Iðunnar, kvæða-lagaæfingum, söngvökum og þjóðlagasamspili með kveðskap, á þessa leið:

Kvæðalagaæfingar – Gerðuberg
miðv. 3. okt. kl. 19:00
laug. 10. nóv. kl. 14:00–15:30
miðv. 5. des. kl. 19:00
Fundir – Gerðuberg
föst. 5. okt. kl. 20:00
föst. 9. nóv. kl. 20:00
föst. 7. des. kl. 20:00
Söngvaka – Andrými
þriðj. 16. okt. kl. 19:00
þriðj. 13. nóv. kl. 19:00
þriðj. 11. des. kl. 19:00 
Þjóðlagasamspil með kveðskap – Stofan
fimmt. 18. okt. kl. 20:00
fimmt. 15. nóv. kl. 20:00
fimmt. 13. des. kl. 20:00 
Þessi færsla er flokkuð undir Auglýsingar | Athugasemdir

Heiðmerkurferð 2018

Föstudagskvöldið 15. júní, ætla Iðunnarfélagar að hittast að venju í gróðurreit
félagsins við Grunnuvötn í Heiðmörk og njóta samverunnar í dásamlegu og friðsælu umhverfi.

Rímnalögin munu hljóma í samkveðskap undir fuglasöng. Munið að prenta út kvæðaheftið sem fylgir hér í tengli neðar.

Mælt er með að fólk hafi með sér nesti og nauðsynjar. Mæting er klukkan
20:00 við Maríuhella. Þaðan fara menn svo saman á þeim bílum sem eru hærri
til hnésins. Maríuhellar eru rétt innan við hliðið að Heiðmörk – því sem
snýr að Vífilsstöðum.

Sjá t.d. þetta kort af svæðinu.

Hér er kvæðahefti fyrir samkveðskap sem félagar eru beðnir að prenta
út og taka með sér: Samkveðskapur-Heiðmörk 

Þessi færsla er flokkuð undir Auglýsingar | Athugasemdir

Maífundur og kvæðalagaæfing

Hildigunnur Einarsdóttir

Hildigunnur Einarsdóttir

Næsti félagsfundur verður haldinn föstudaginn 4. maí og kvæðalagaæfingin verður miðvikudaginn 2. maí.

Að venju er fjölbreytt dagskrá á maífundinum.

Hildigunnur Einarsdóttir flytur erindi um afa sinn Einar Kristjánsson. Einar var lúnkinn harmonikkuleikari og var tvöföld harmonikka sérsvið hans og fá áheyrendur að heyra nokkur tóndæmi af leik hans. Árið 1979 gaf SG út hljómplötu þar sem Einar leikur 30 lög ásamt Garðari Jakobssyni fiðluleikara.

Hama Qasm frá Kúrdistan syngur nokkur lög.

Nýjar rímur verða fluttar í heild sinni af nokkrum kvæðamönnum, það eru Rímur af Sigurði Fót af Völlum og Ásmundi úr Húnaþingi, en áður mun höfundurinn Lárus Jón Guðmundsson mun fjalla lítillega um tildrög þeirra.

Bjarki Karlsson flytur fjögur ljóð eftir samtímamenn sína eins og honum finnst að eigi að flytja þau – en enginn hefur flutt áður með þvílíkum hætti.

Eftirtaldir fastir liðir verða á sínum stöðum: litla kvæðamannamótið, samkveðskapur í umsjón Rósu Jóhannesdóttur og litla hagyrðingamótið og Skálda í umsjón Helga Zimsen.

Athugið að kvæðalagaæfingin mun að þessu sinni hefjast kl. 18:00, en félagsfundurinn að venju kl. 20:00 og lýkur kl. 22:30.

Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi Iðunnar fer fram í Menningarmiðstöðinni  Gerðubergi sjá kort á ja.is

Útgáfudagur Segulbanda Iðunnar verður 24. maí kl. 17:00 – 19:00 í Þjóðmenningarhúsinu við Hverfisgötu.

Þessi færsla er flokkuð undir Auglýsingar | Skilgreint sem , | Athugasemdir

Skógarmannaskál Þorsteins Valdimarssonar

Þorsteinn Valdimarsson

Þorsteinn Valdimarsson

Í ár verða 100ár liðin frá fæðingu Þorsteins Valdimarssonar, skálds.

Á fundi Iðunnar 6. apríl sl. kvaddi Gunnar Guttormsson sér hljóðs og óskaði eftir því að fólk veitti upplýsingar um hvort til væri hljóðrit með Þorsteini.

Síðan kvað hann Skógarmannaskál, sem Þorsteinn orti handa skógræktarmönnum árið 1959. Bragurinn, sem er við ítalskan byltingarsöng, hefur ekki birst á prenti.

Hér má hlusta á Skógarmannabrag Þorsteins í flutningi Gunnars Guttormssonar.

 

 

Eiginhandarrit Þorsteins Valdimarssonar úr fórum Gunnars Guttormssonar.

Eiginhandarrit Þorsteins Valdimarssonar úr fórum Gunnars Guttormssonar.

 

Þessi færsla er flokkuð undir Fróðleikur | Athugasemdir

Aprílfundur og fleira

Anna Þorbjörg IngólfsdóttirNæsti félagsfundur verður haldinn föstudaginn 6. apríl og kvæðalagaæfingin verður miðvikudaginn 4. apríl.

Að venju er fjölbreytt dagskrá á aprílfundinum.

Anna Þorbjörg Ingólfsdóttir mun flytja erindi um mæðginin Þorstein Valdimarsson og Guðfinnu Þorsteinsdóttur, sem hafði skáldanafnið Erla. Þá mun Magnea Einarsdóttir kveða rímur eftir Jón Rafnsson og Sigmundur Benediktsson flytja frumort ljóð.

Ragnar Ingi Aðalsteinsson sér um bragfræðihornið og aðrir fastir liðir verða á sínum stöðum: litla hagyrðingamótið, litla kvæðamannamótið, samkveðskapur og Skálda.

Athugið að kvæðalagaæfingar hefjast kl. 19:00, en félagsfundir kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi Iðunnar fer fram í Menningarmiðstöðinni  Gerðubergi sjá kort á ja.is

Útgáfudagur Segulbanda Iðunnar verður EKKI 19. apríl eins og áður hefur verið auglýst, heldur færist til 24. maí kl. 17:00 – 19:00 í Þjóðmenningarhúsinu við Hverfisgötu.

Minnum á Landsmót kvæðamanna á Bifröst 20. – 22. apríl. Allra síðasti dagur til að skrá sig er 11. apríl. Nánari upplýsingar í síðasta fréttbréfi Iðunnar – rimur.is

Þessi færsla er flokkuð undir Auglýsingar | Skilgreint sem , | Athugasemdir

Aðalfundur og kvæðalagaæfing

Aðalfundur Iðunnar föstudaginn  9. mars kl. 20.00 og kvæðalagaæfingin verður miðvikudaginn 7. mars í Menningarmiðstöðinni Gerðubergi.

Aðalfundur – Fundarboð

Aðalfundur Kvæðamannafélagsins Iðunnar verður haldinn föstudaginn 9. mars kl. 20.00 í Menningarmiðstöðinni Gerðubergi.

Venjuleg aðalfundarstörf:
1. Skýrsla formanns.
2. Skýrsla féhirðis.
3. Skýrslur nefnda.
4. Ákvörðun árstillags.
5.  Kosningar í stjórn, varastjórn, nefndir og skoðunarmanna reikninga.

 

Kristján-HreinssonEftir aðalfundinn hefst dagskrá félagsfundarinns, en þá ætlar Kristján Hreinsson ljóðskáld að flytja frumort ljóð. Ennig verða fastir liðir t.d. samkveðskapur, tvísöngur og Litla kvæðamannamótir undir stjórn Rósu Jóhannesdóttur, Litla hagyrðingamótið og afli Skáldu, í umsjón Helga Zimsen og Bragfræðihorn Ragnars Inga Aðalsteinssonar.

Athugið að kvæðalagaæfingar hefjast kl. 19:00, en félagsfundir hefjast kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi Iðunnar fer fram í Menningarmiðstöðinni  Gerðubergi sjá kort á ja.is

Þessi færsla er flokkuð undir Auglýsingar | Skilgreint sem , , | Athugasemdir

Davíð Þór flytur eigin ljóð

913112Á síðasta Iðunnarfundi flutti Davíð Þór Jónsson ljóðskáld og prestur eigin ljóð, en hann hefur ort lengi og meðal annars gefið út ljóðabókina Vísur fyrir vonda krakka.

Við fengum góðfúslegt leyfi til að birta hljóðrit af flutningnum, upptöku gerði Arnþór Helgason.

 

 

 

Þessi færsla er flokkuð undir Fróðleikur | Skilgreint sem , | Athugasemdir

Febrúarfundur og kvæðalagaæfing

Næsti félagsrosa_thorsteinsdottir2fundur verður haldinn föstudaginn 9. febrúar og kvæðalagaæfingin verður miðvikudaginn 7. febrúar.

Að venju er fjölbreytt dagskrá á febrúarfundinum.

Meðal annars mun Rósa Þorsteinsdóttir flytja erindi um Skagfirska kvæðamenn úr Segulbandasafni Iðunnar og spilar hljóðdæmi.  Þá ætlar Davíð Þór Jónsson, ljóðskáld og prestur að flytja eigin ljóð.

Nokkur lög sem tengjast þorranum verða sungin í samsöng með hljóðfæraleik.

Ragnar Ingi Aðalsteinsson sér um bragfræðihornið og aðrir fastir liðir verða á sínum stöðum: litla hagyrðingamótið, litla kvæðamannamótið, samkveðskapur og Skálda.

Þá verða veitingarnar einnig með þorrabrag

Athugið að kvæðalagaæfingar hefjast kl. 19:00, en félagsfundir hefjast kl. 20:00 og lýkur kl. 22:30. Félagar eru hvattir til að mæta á sem flesta fundi og ekki gleyma æfingunum því þar geta menn kynnst betur innviðum félagsins og sögu. Einnig eru félagar hvattir til að taka með sér gesti, bæði á fundi og æfingar, því fundir Iðunnar eru öllum opnir.

Starfsemi Iðunnar fer fram í Menningarmiðstöðinni  Gerðubergi sjá kort á ja.is

Þessi færsla er flokkuð undir Auglýsingar | Skilgreint sem , , | Athugasemdir