Starfsemi Iðunnar
Reglubundið starf Kvæðamannafélagsins fer fram á tímabilinu frá október og fram í maí. Á því tímabili eru haldnar kvæðalagaæfingar fyrsta miðvikudag hvers mánaðar. Á kvæðalagaæfingum er kennt að kveða, stemmur kenndar og æfðar.
Félagsfundur er síðan haldinn næsta föstudagskvöld á eftir með formlegri dagskrá, með fræðslu og skemmtun, kveðskap og söng.
Fundirnir og æfingarnar fara fram í Gerðubergi og hefjast kl. 20.
Allir eru velkomnir á æfingar og fundi félagsins og eru félagsmenn hvattir til að taka með sér gesti sem langar til að sjá hvað fram fer.
Fréttir
Fundur 13. apríl
Föstudaginn 13. apríl verður félagsfundur með fjölbreyttri dagskrá. Fundurinn hefst kl. 20 í Gerðubergi og allir eru velkomnir.
Aðalfundur
Aðalfundur félagsins var haldinn 9. mars. Helstu tíðindi voru þau að Steindór Andersen lét af störfum sem formaður félagsins og Arnþór Helgason hvarf einnig úr stjórninni. Í þeirra stað voru kosnir Ragnar Ingi Aðalsteinsson, sem formaður, og Höskuldur Búi Jónsson, sem nýr maður í stjórn.
Kvæðamannamót á Siglufirði 3. mars
ÞjóðList og Kvæðamannafélagið Ríma í Fjallabyggð standa fyrir kvæðamannamóti laugardaginn 3. mars, í samstarfi við kvæðamannafélagið Gefjunni á Akureyri og með stuðningi Menningarráðs Eyþings og Þjóðlagseturs.
meira
Janúarfundurinn og kvæðalagaæfing
Fyrsti fundur ársins verður haldinn á þrettándanum og að vanda verður kvæðalagaæfing miðvikudagskvöldið á undan, þ. 4. janúar.
Að þessu sinni verður fundurinn í umsjá þjóðlaganefndar félagsins sem býður upp á fjölbreytta og skemmtilega dagskrá.
Allir velkomnir á kvæðalagaæfingu og fund sem hvort tveggja hefst kl. 20 í Gerðubergi.
Jólafundur
Jólafundur Iðunnar verður haldinn í Gerðubergi föstudaginn 9. desember kl. 20. Allir velkomnir til að njóta fjölbreyttar dagskrár þar sem bæði verður ort og kveðið.
